Бекахьа, г1аттахьа, ненан мотт, хьайн меттан хазалла дуьнене кхайкхайеш. Хууш ма-хиллара, 2023-г1а шо вайн къоман куьйгалхочо «Нохчийн меттан шо» аьлла кхайкхина ду. Дийнна шарахь вайн махкахь тайп-тайпана белхаш д1абаьхьира цу хьокъехь: къовсамаш, цхьанакхетарш, литературин суьйренаш и.д1.кх. Цу г1уллакхна йуьстах ца йисира Валарт1ера №1 йолу ишкол а. Тахана, 19 декабрехь, ишколин хьехархоша а, дешархоша а нохчийн маттана лерина мероприяти д1айаьхьира. Дукха хаза д1ах1оттам болуш бара бина кечам: дешархоша йийцира нохчийн маттах лаьцна стихотворенеш, лекхира эшарш, х1иттийра сценкаш. Нохчийн матто х1ора а нохчочун дахарехь д1алоцуш йолу меттиг коьрта хилар гайтар йара мероприятин 1алашо.